العطور محدش يقدر يستغني عنها من الجنسيين
ومفيش حجره نوم خاليه من البرفانات و العطور
لكن انك ترصي العلب جنب بعضها و خلاص صراحه شكلها مش حلو
دلوقتي في حاجه اسمها اتكيت تزيين العطور و ده فن مش أي حد يعمله
بس عشان تبقي مميزه لازم تتعلميه
و انا هاقدملكم مجموعه أفكار و يارب تعجبكم
الفكره الاولي
طريقه بناتي و عمليه أوووي
أنك تجمعي عطورك فيصحن أو طبق أو في أطباق للتقديم من الكرستال أو الفضه
و دي بتبقي حلوه أوووي و ممكن تزينيها بشرايط من الستان أو الدنتال
الفكره التانيه
انك تزيينيها مع فراشات أو أحجار ملونه عندك أو زجاج ملون (تحفه و رخيص )
أو اي أكسسواري عندك
وممكن انك تستخدمي علب الشكولا المميزه اللي عندك
نبدأ بقي مع الجماعه الرومانسيين
ورد بقي و شموع أخر نظام
و بجد الافكار دي لو انتي لسه عروسه جديده أو متجوزه عادي
(علي فكره دلوقتي أي عروسهلازم يكون ليها طريقتها في تزيين عطورها )
الفكره الاولي
الشموع و الورد المجفف يالهوووي عليهم
بجد أحلي شغل
الفكره التانيه
غلفي الزجاجات بالتل و حطي تحته مفرش من الستان
حاجه تانيه خالص
الفكره التالته
ضعيها مع أكسسوارت أو أي مجوهرات عندك
و تبقي أحلي مع العقود
الفكره الرابعه
هي المنتشره لانها مش مكلفه و عمليه
و شيك جدااا في نفس الوقت
ضعيها في صنيه قيمه ممكن من صواني التقديم
او الصواني الفضه
الفكره الخامسه
التزيين باستخدام الورود سواء طبيعي أو نباتات زينه
الفكره السادسه
تزيين بالورود برضه بس باستخدام فازات صغيره
و لو عندك أي انتيكات فضه او تقلييد أي حاجه عندك حطيها
و أنثري ورد مجفف أهم حاجه
الفكره السابعه
وضع العطور في سله مع تزيينها بالتل أو الشيفون
و الزجاج الملون او الكريستالات
يارب تعجبكم والاقي تفاعل منكم
الأربعاء 24 سبتمبر 2008, 4:53 pm
