انا حبيت افكر معاكم بصوت عالي من كتر الاستفزاز الا انا بشوفه كل يوم وفى التلفزيون و الجرايد و النت و كل بيت ...
كمان عاوز اعرف رايكم اولا قبل ماابدا كلامي مافيش بنت للبيع لان دينا الكريم الحمد الله كرم البنات قوى الحمد الله بس الناس بقت فعلا بتعمل كده وتعالوا انتو بقا احكموا!!!!!!!!!!
تفتكروا مين صح ومين غلط ؟
لما البنت تصبر علي رزقها وكنت قاعد في امان الله وبتفرج علي التلفزيون وبشوف البرامج والمشاكل العصرية الاقي قناة بتتكلم عن مشكلة العنوسة للبنات قولت عادى مشكلة زى اى مشكلة قالبت القناة والله الاقي قناة اخرى تعرض نفس المشكلة ولكن بشكل اخر قولت عادى صدفة قومت اقرا الجرنان الاقي نفس المشكلة لا بجد كده صعب ولما الاقي اعلان جديد (الان في مصر خط الخاطبة اتصل علي 0900)في ايه ياجماعة بجد في ايه؟؟
والله فعلا حرام الا بيحصل اقعد اسمع بنات تقول اتجوز اسبوع واطلق بعدها باسبوع بس مايتقالش عليا عانس الازمة بقا ان زمان البنت الوحشة او الجاهلة او الفقيرة هي الا مابتجوزش لكن الكارثة فعلا ان المشاكل الا كانت بتتعرض كانت بنات جميلة والمهندسة والدكتورة والباقية تاتي يعني بنت جميلة متعلمة اخلاق بتعرض مشكلة ليها ولا صاحبها عن جواز الصالونات والاهانة الا بتحصل ان شخص يدخل ويخرج لمدة وفي الاخر فرصة تانية معطلكيش بقا طيب انتي ايه الا خالكي توافقي علي المبدا من الاول!!!
تقولك ما انا دورت على جواز عن عن حب مش نافع شاب لسه يبدا حياته واهلي يرفضوه لكن واحد شافني اعجب بيا وجاه واتقدم لازم هوافق لانه مناسب ليا كمان عنده وعنده واهلي والناس والكلام ...
ياترى بعد الضغط ده كله تعمل هي ايه؟؟؟؟ معاها حق صح ولا انتوا ايه رايكم ؟؟؟
وفي الاخر يرجعوا يطلقوا ويقول الله يخرب بيت الجواز وعيال تترمي في الشوارع وبلاوى كتير ...
وفي مثل بيقول ضل رجل ولا ضل حيطة يعني المطلوب منكم يابنات دلوقتي انكم تحاولوا تتجوزا ب اى طريقة والا الناس دلوقتي هتتكلم وهتعيد وتزيد غير بقة نظرة المجتمع ليكي ومعدتش فارقة حلوة وحشة دكتورة خدامةوهنطبق مثل اللى معاه فلوس يدوس ويعدى ...
والاغرب ان فعلا بلاقي بنات مابتكلمش وراضية ب للي ربنا كتبهولها لكن لا الناس ماتسكتش ياحراااااااااااام ياعيني لسه ماتجوزتش هي مالها ياجماعة اكيد اكيد بتكلم حد والا يقولك لالا دى معملوها عمل واللي تخاف تدخلها بيتها لانه متجوزة وخايفة من صاحبتها لتطلتش جوزها ...
تعالو بقا للجزء التاني من المجتمع اللى بيقولك حلو قوى مش متجوزة وعندها 30 ده هو ده السن المناسب وطمع وعيون زئاب البشرية تكتر لمجرد انها فتاة تاخرت في الزواج او سيدة مطلقة لمجرد انها فشلت في الزواج والكارثة بجد ان الموضوع ده بقا سرطان مش في الارياف فقط لا ده كمان في المدن ...
طب الشباب يعمل ايه يعني ؟؟
تفتكروا ان هيجي اليوم والبنت هتتجوز رجل متجوز وكل رجل يتجوز اتنين وحاجات من دى ؟؟؟
ولا هتقدروا تواجهوا كلام الناس الا لا بيرحم ولا بيسيب رحمةربنا تنزل !!!
ياترى مين صح ومين غلط البنت اللى اتربت علي انها تبقا عروسة وتتخيل فارس الاحلام والاهل الا بيضغطوا علي الشباب ب الطلبات شقة وعربية ومرتب عالي وكمان مش راضين ولا البنت الا بتنحرف في الاخر وتتجوز من ورا اهلها عرفي وفي الاخر يقتلهوها طيب ماهي جاتلكم من الباب وانتوا الا قولتلوا لازم الفيلا في مارينا...
انا مش برفع الغلط علي الاهل بس كل اب وام بيحبوا احسن حاجة لاولادهم لكن برضو العقل حلو والبنت لازم انها تراعي ربنا وتساعده ما دام هو انسان كويس اما الولد فيتقي ربنا ويعرف ان البنات مش تجربة ياتصيب ياتخيب ...
ياترى كل بنت اتحطت في الموقف ده هتعمل ايه ؟؟؟
وياترى الولد هيعرف انك لما تدخل بيت لازم تكون جاد مش تدخل وتخرج معاها وفي الاخر تليفونك خارج الخدمة ؟
اما الاهل فمسيرهم يراعوا ربنا لما يوصل بينا الحال ان الرجل يتزوج اتنين !!!
ياترى تعملى ايه تبقي كائن غريب لمجرد انك وصلتي لسن ال 25 من غير زواج ام تكوني طبيعة وتعيشي حياة روتينية زى كل الناس ولا تكوني واحدة من الاف المطلقات وحالك اسوء من العانس بجد مشكلة و دى صورة من الواقع
الإثنين 29 سبتمبر 2008, 5:30 pm
